DÍLI----Porta Voz Kandidatu Traballador Timor-Leste, Filipe Hau Kotorze, Informa, Reprezentante Kanditadatu Traballadores Timor-oan bainhira ba servisu iha Korea do Sul hasai rasik osan atu selu aviaun laos husu Governu tanba ne’e Governu tenke halais servisu lina kordenasaun entre Timor Leste ho Nasaun Korea do Sul, portantu sei governu dehan Kandidatura Traballadores Timor-oan bainhira ba servisu iha Korea do Sul tama kuarentena selu rasik, Kanditadatu Traballadores Timor-oan par selu maibe importante Governu halais prosesu.

“Ami mós hakarak koalia kona ba osan atu selu aviaun nian to’o agora ami traballador hasai rasik ami-nia osan mak atu aranka ba Korea do Sul hodi servisu, ami seidauk husu osan ba governu, ami hasai rasik osan $2,000.00 to’o $3,000.00 dolar Amerkanu,” Hateten Porta voz Kandidatu Traballador Timor-Leste Filipe Hau Kotorze ba jornalista sira iha Sentru Kursu lian Korea Bekora Dili, Kuarta (15/09).

Nia hatutan, Tan ne’e mak husu ba Governu ho ninia membru tomak atu prosesu lalais no buka dalan mai atu desloka ba Korea Do Sul hodi servisu, tanba traballador ne’ebé mak hetan ona kontratu husi empregador Korea Do sul kuaze 500 resin, nune’e governu laiha informasaun ruma mak atu hala’o ami traballador ne’ebé mak hetan ona kontratu husi governu Korea durasaun ou validu tinan 2 de’it, se kuandu patraun halo kansela ba traballador mak labele ba servisu iha korea.

“Iha mós informasaun balun ne’ebé mak asesu iha media RTTL katak Direktor Jeral SEFOPE esklarese katak, Governu laiha osan atu selu ou fasilita Traballodores Timoroan atu ba servisu iha Korea Do Sul, ne’e traballador prontu selu karentina rasik no kona ba rekejitus sira ne’ebé direktor koalia ne’e hein fulan 3 ona maibé to’o agora seidauk iha nafatin iha informasaun ne’ebé Pozitivu,” Dehan nia.

Nia relata, Ikus Traballador husu ba Embaixador Korea do Sul iha Timor-Leste no Sekretariu Estadu Formasaun Profisionál no Empregu (SEFOPE) ho nia estrutura tomak katak, se wainhira la trata preoukupasaun sira ne’e mak Kandidatu Traballadores Timoro’an 500 resin ne’e la aranka maka sei organiza malu sei halo manisfestasaun hasoru parte kompetente.

“Razaun sira ne’ebé relata ona katak, traballador ba servisu iha Korea do Sul, la’os di’ak ba ami nia aan de’it, maibé di’ak mós ba governu no estadu Timor-Leste nian hodi hamenu dezempregu rai laran no hodi hadia kresimentu ekonómia domestik ba ninia povu, ne’e duni husu ba Governu atu servisu ho laran, labele hare’e ba kor ka intrese privadu, maibé tenki ho fuan ho laran no tau a’as interese Nasionál,” Informa nia. (BT)