DÍLI----Servisu Natar na’in, Marito Ruas da Costa, Hatete, Ohin loron ho familia koileta hare natar hektares-3 ba epoka primeiru iha Aldeia Samaliu, Suku Loi-Hunu, Posto Administrativu Ossú, Munisipiu Viqueque tanba durante Estadu Emerjensia (EE) no Serka Sanitaria (SS) família sira hamutuk halo natar hafoin koileta maibe hanesan servisu natar na’in husu ba Ministeriu Agrikultura no Peskas (MAP) sei bele karak fo apoiu hela aimoruk ruma hodi oinsa rege ba natar sira par labeleduut taka metin hare sira.

“Durante Estadu Emerjensia (EE) no Serka Sanitaria (SS) ne’e ha’u iha Munisipiu Viqueque, Posto Administrativu Ossú, Suku Loi-Hunu, Aldeia Samaliu, ha’u ho ha’u nia apa-ama maun-alin no família sira hamutuk halo Natar hektares tolu (3), iha Rai Bobor-Laran,” Hateten Natar Marito Ruas da Costa, Via telefone ba jornalista Business Timor (BT), Tersa (13/09).

Nia hatutan, Natar hektares lima (3) ne’e kada tinan hetan saka la hanesan tanba tuir tempu no fini ne’e, se fini ne’e barak entaun tinan ida bele hetan saka 30-40, se fini la barak mak tinan ida bele hetan de’it saka rua nulu 20-30 hanesan ne’e.

“Tinan ida ka rua ne’e kompara ho tinan sira seluk la hanesan tanba, tinan uluk-uluk ne’e ami la’o ba mai ho ba sosa netik ai-moruk ruma hodi rega netik du’ut ne’ebé mak nakonu iha hare le’et sira ne’e, maibé agora ita la la’o ba mai tanba Covid-19 oinsa mak ita atu prevene ita-nia hahan sira ne’e di’ak,” Dehan nia.

Nia haktuir, Tanba ne’e hare sira ne’ebé mak ami hetan ne’e, nunka fa’an han de’it, sustentan de’it ami-nia família uma laran nian, se wainhira ami fa’an tiha atu han saida, tanba Corona la hotu-hotu de’it di’ak liu han de’it mak di’ak. “Ami-nia mensajen ba Ministeiru Agrikultor e Peskas (MAP), katak se bele karik oferese ka ajuda netik ai-moruk ruma hanesan rega du’ut nian ho ular nian ne’e para labele han hotu hare sira ne’ebé mak ami halo ne’e, se la’e husik de’it hanesan ne’e bele estragos de’it ami la bele aproveita bu’at ida,” Relata nia. (BT)