DÍLI----Negosiante, Armindo dos Santos, Informa, Durante Serka Sanitaria (SS), povu terus liu tanba aktividade hotu lala’o, sasan hanesan tomate iha merkadu Manleuana ema lahola, nune’e fo impaktu ba rendimentu ne’ebé mak tun tan ema barak mak sulan iha uma.

“Durante Serka Sanitaria ida ne’e halo ami povu ida ne’e terus liu ona, tanba ami-nia aktividade lala’o, ami nia sasan sira fa’an iha merkadu mós la iha folin, rendimentu tun los tanba ema barak mak la sai atu sosa, barak mak sulan deit iha uma tanba ne’e ami-nia sasan sira ne’ebé mak fa’an hanesan tomate iha merkadu ne’e la folin,” Hateten Negosiante Armindo dos Santos ba jornalista BT iha Merkadu Manleuana, Domingo (12/09).

Nia hatutan, Sasan sira ne’e mak la folin mak produtu lokal hanesan tomate, modo tahan, fore, kanku, brinjela, no seluk-seluk tan liliu mak tomate, tanba tomate agora ne’e valde bo’ot ne’e agora ami fa’an de’it mak $0.50 cent, uluk sedauk corona fa’an valde ida $1.50 maibé agora sasan sira ne’e la folin liu.

Nia dehan, Ba osan sira ne’ebé mak ami hetan ne’e, ami hodi sustenta netik ami-nia nesesidade lor-loron nian, maske la barak tanba Serka Sanitaria ne’e ema la dun hola sasan sira la dun folin, aktividade taka ita la bele halo buat ida.

“Ami terus liu, la bele sulan bebeik ami tanba ami terus mate ba hahan, ami labele la’o ba mai hodi buka ami-nia moris, se ami la’o ba mai, maibé tenki vasina, entaun ami vasina tiha, atu ba munisipiu ruma tenki Swab tanba dehan ba ami kartaun kinur ne’e bele, maibé Swab, entaun wainhira ami pozitivu ami ba toba di’ak iha karentina se mak fó han fali ami-nia oan no ami-nia fen,” Dehan nia.

Nia haktuir, Labele hanesan ne’e, se nune’e bebeik ami bele sosa modo barak hanesan ne’ebé dala ruma estrga de’it, ami-nia osan tanba ami sosa tiha mai taun iha ne’e ema nunka sosa tanba ema la hakmatek iha ema nia uma la sai tanba tauk, horsida la’o ba mai la diak, enatan ami nia sasan sira tenki fa’an tun de’it.

“Ami hakarak husu governu ida ne’e se bele halakon tiha politika corona ida ne’e, husik tiha povu terus nain ne’e livre labele, halo taka-taka hela de’it, ami mate la’os tanba Corona la’e, mate tanba fali hamlaha,” Salienta nia. (BT)