DÍLI----Vitima husi Masakre Bobo-Ufe Tumin, sente triste tebes tanba durante Timor Leste ukun tinan 22 ona maibe governu seidauk rekuinese no valorize familia vitima sira.

Familia Vitima no Oan Kiak, José Bobo, Hatete, Sente tresti tanba ha’u-nia aman Alberto Afoan lakon vida iha akontesimentu loron 8-9 setembru tinan 1999 hanesan oan senti lakon osan mean ida iha ami-nia familia laran.

“Bainhira hau nia aman mate, husik hela ami maun alin na’in-6 no hau hanesan mane ikun ho tinan 11 senti triste tebes maibé prontu sira mate la’os tanba moras tan deit atu defende ukun rasik an no tan deit atu defende liberdade rai Timor nian maibe ate a data neen governu tau matan ka tau atensaun mezmu ha’u-nia aman mate ba rai ida ne’e maibe governu nunka rekuinese ami familia vitima hanesan oan kiak,” Hateten familia vitima no oan kiak, Jose Bobo ba jornalista sira iha Bidau Lesidere, Kinta (09/09).

Nia hatutan, Ohin selebra no komemora Masakre Bobo-Ufe Tumin ba dala-22 sente lahanesan babain ka hanesan ho tinan kotuk tanba ita hotu hatene situasaun moras pandemia global COVID-19 no moras foun variante Delta deskonfia espalla ona iha Dili, nune’e sobre vivente familia vitima nafatin ho fuan ho laran fo onra ba herois sira na’in-82.

“Ohin selebra komorasaun masakre ba dala-22 sei senti tresti maibé husu ba guvernu no estadu atu tau matan ba familia vitima faluk no oan kiak tanba ita hare dala barak estadu tau matan liu ba familia veterenu ne’ebé uluk luta iha ailaran, maibe ba masakre Bobo-Ufe ate a data governu nunka mais rekuinese. Hanesan familia vitima pelu-menus governu valoriza ho balansu no fo opurtunidade ba bolsu estudu ka oportunidade sira seluk atu nune’e familia vitima bele sente ukun rasik an ne’e,” Informa nia.

Enkuantu, Presidente Masakre Bobo-Ufe Tumin (CMBT) Baptista Dos Santos Elo, Hatutan, Tinan 22 ona balun lakon aman, maun, alin ne’ebé to’o ohin hafalun hela ruin ho tristeza iha ita nia neon tanba balun mate husik hela fen ho oan, sei bebe hela, nune’e estadu tenke rekuinese sira nomos espransa ba futuru estadu rekuinese mos Comite Masakre Bobo Ufe Tumin (CMBT) ne’ebé familia martires konsege hari’i iha tinan kotuk.

Nune’e Razaun familia Vitima hariii Comite Maskre Bobo-Ufe Tumin (CMBT) tanba sira mate husik ran naksulin no ruin naklekar ba Timor Leste ukun rasik an no liberdade. “Sentimentu ba komemorasaun CMBT tinan 22 ona bainhira to’o sira nia loron sente triste tebes tanba sempre hafalun durante luta ba ukun rasik an la fasil maibé tenke sakrifika an ho ruin no ra’an mak bele hetan liberdade ba rai ida,” Haktuir Presidente CMBT, Batista Ds Santos Elo.

Portantu, Relasiona ho komemorsaun akontesimentu Masakre Bobo Ufe Tumin iha kapital Dili ita labele realiza hanesan tinan kotuk atu bele akumula ema barak iha ne’e mesak familia maun alin deit maka iha ne’e. Tanba situasaun iha rai laran enfrenta hela pandémia surtu covid-19 ninian no konfinamento obrigatório ho ida ne’e desizaun husi CMTB ne’ebé maka hasai ona iha publiku katak selebrasaun ba tinan ida ne’e sei la nakloke ba ema hotu atu realiza maibé só familia sobreviventes sira.

Komemorasaun ba akontesesimentu Masakre Bobo Ufe tumin iha aldeia Licedere Suku Bidau Licedere, maka seremonia ritual, sunu lilin kari aifunan ba rate sira mesmu Konfinamentu Obrigatoriu orsida foin hakotu maibé labele lakon esperitu atu hanoin nafatin martires sira nia dedikasaun hodi komemora.

Enkuantu komemorasaun iha Masakre Bobo Ufe Tumin, iha Aldeia Tumin, Suku Bobometo, Postu Administrativu Oe-Silo, REAOA mós realiza sunu lilin, kari aifunan, no atividade sira seluk iha fatin simiteriu Tumin maibe familia sobre viventu ho vizinho sira mak selebra hamutuk. Nune’e, akontesimentu Masakre Bobo-Ufe Tumin, akontese iha loron 8-9 setembru tinan 1999 konsege resulta hamutuk joven no katuas na’in-82 inklui feto ida maka sakrifika an ba liberdade rai ida ne’e.

Kronolojia husi akontesimentu refere iha tinan rua nulu resin rua 22 liu ba, momentu hahu iha konsulta popular 30 agustu tinan 1999 iha aldeia tolu mesak pro CNRT tanba ida ne’e momentu ne’eba husi pro integrasaun ka milisia tau odi ba iha aldeia tolu hanesan Aldeia Tumin, Quibiselo, no Aldeia Nonquikan, Suku Bobo Meto, Postu Administrativu Oe-silo.

Husi ne’e iha loron 8-9 fulan setembru tinan 1999 halo atakasaun ba aldeia tolu, sira tama ho estratejia fahe ba grupu tolu husi parte oe-silo tama ho mota Noel Ekat, no grupu seluk tama husi parte Suku Usi- Taça’e ba Nonquikan no grupu ida tama husi Suku Usi- Taqueno no balun lao ain tama husi fronteira Inbate Timor Tenga Utara (TTU) kefamenanu indonesia mai halo ataka halo turturasaun sunu uma no ho ema iha aldeia tolu ne’e.

Momentu ne’eba ataka iha loron 8 fulan setembru tinan 1999 resulta ema mate nain rua nulu resin 25 maka mate iha loron refere. Depois iha loron 9 fulan setembru tinan 1999 kontinua dadersan tuku 6 sira tama halo tan asaltu depois bolu populasaun aldeia tolu ne’e evakua ba iha area fronteira suku Inbate TTU indonesia.

Baihira populasaun to’o iha fatin refujiadu komesa sira halo ona kapturasaun joven lia nain sira ne’e atu ba halo investigasaun iha sede suku Inbate TTU indonesia iha oras meudia to’o iha kalan la husik sira fila no iha loraik komesa halo barullu iha sede suku refere no konsege joven lubuk ida maka halai sai nune’e pro interasaun sira dehan hakarak mate halai no hakarak moris hakmirik metin nafatin.

Entaun ho ida ne’e joven no lia nain sira fila tama fali ba sede suku laran no ema pro integrasaaun ka milisia sira komesa haleu sira nia suku bolu malu ba ta’a tali tahan mai komesa kesi siira nia liman junta ba malu nain rua no se kotuk ba malu komesa halo turturasaun, baku, no oho sira iha momentu neba.

Iha ne’eba situasaun komesa rai kalan bo’ot komesa lori sai sira husi sede suku ba iha ailaran area fronteira passabe, sira lao tuir dalan komesa baku oho sira no balun mate tutuir dalan. To’o iha fatin ikus maka Teun Lasi maka haruka sira hamrik forma maka lori lampra leno ta’o, oho, no tiru barak maka mate iha fatin no balun konsege salva mesmu liman kesi metin ho tali.

Konaba restus mortais hirak ne’e iha momentu tempu UN iha tinan 1999 ba ke’e ida-idak no balun la konsege hetan tanba mota lori no balun hetan deit ruin maibé tau hamutuk halo’ot iha simiteriu fatin Tumin. (BT)