DÍLI----Negosiante, Urbano Dias Marsal, Hatete, Maske konfinamentu obrigatoriu maibe nesidade obriga ita nune’e hamriik iha estrada ibun fa’an pulsa, masker no sigaru kada loron bele hetan $60 dolar hodi sustenta necesidade uma laran liliu oan sira nia estudus.

“Sasan sira ne'ebe mak ha'u fan ne’e laos sasan todan ida maibe hau fa’an sasan sira hanesan pulsa, masker no sigaru hodi sustenta uma laran tanba ha’u nia oan nain-3 mos eskola hotu ida primeiru ne'e agora universidade, ha'u nia oan segundu ne'e SMA no ida terseiru ne’e foin mak SMP entaun kada loron hau hmriik iha estrada ibun Eskola 10 de dezembru nia oin fa’an pulsa, masker no sigaru hetan netik $60 dolar hodi sustenta nesesidade laran, maibe dalaruma ema la barak entaun hetan deit $30 dolar,” Hateten Negosiante, Urbano Dias Marsal ba jornalista BT iha estrada 10 de dezembru nia oin Dili, Tersa (07/09).

Nia hatutan, Maibe ho konfinamentu obrigatoriu ida ne'e osan balun rai hela tanba agora eskola mos sedauk hahu lao entaun rai hela balun bainhira eskola tama fali karik fo ba oan sira hodi selu eskola no selu bemo. “Hau nia osan restu ne’e hau rai hela ba oan sira tanba agora dadaun ne'e konfinamentu obrigatoriu eskola sira la lao entaun rai hela para aban bainrua eskola tama fali karik fo ba oan sira selu eskola no selu bemo tanba ha’u katuas ona hanesan ne'e atu buka servisu todan ne'e ita la iha forsa ona,” Salienta nia.

Entaun buka meius ida ne'e diak nune’e bele fa’an sasan sira hnesan ne'e tanba sasan sira ne'e la todan maibe atu loron manas mos hamriik nafatin iha estrada ibun. “Kuandu husi saude fo informasaun ruma kona ba ita-nia saude ka kona ba moras covid-19 no moras foun ne'ebe ita hotu tauk, entaun polisia sira sempre fo hatene hau katak tiu hamriik iha ne'e fa’an pulsa ba maibe keta haluan uza nafatin masker ho informasaun ida hau mos kumpri nafatin regras sira ne'ebe informa ona mai hau too agora ha'u kumpri nafatin,” Dehan nia. (BT)