DÍLI----Estudante husi Fakuldade Edukasaun Arte no Úmanidade (FEAH) Universidade Nasional Timor Lorosa’e (UNTL) Maioria seidauk simu subsidiu pulsa husi Governu ka Ministériu Ensinu Superior Siensia no Kultura (MESSK).

Tuir Estudante husi Departamentu English, Fakuldade Edukasaun Arte no Úmanidade (FEAH) UNTL, Eulalia de Fátima Sarmento, Hatete, Nudar estudante iha UNTL too agora ami maioria sidauk simu subsídiu pulsa husi Ministériu Ensinu Superior Siensia no Kultura (MESSK), mezmu durante governu kolia dala barak ona katak fo subsidiu pulsa ba estudante maibe maioria estudante iha UNTL liliu Departamentu English, Fakuldade Edukasaun Arte no Úmanidade (FEAH) barak mak seidauk simu.

“Ami sidauk hetan subsídiu pulsa husi Ministériu Ensinu Superior Siensia no Kultura (MESSK), husi ami nia turma laran, nem estudante ida atu simu subsídiu husi guvernu, maske ami hatama ona naran ba Departamentu, Fakuldade no submete ona ba Universidade maibé ate agora ami sidauk simu,” Hateten Estudante Universidade Nasional Timor Lorosa’e (UNTL), Fakuldade Edukasaun Arte no Úmanidade (FEAH), Departamentu English, Eulalia de Fátima Sarmento, ba Jornalista Business Timor iha Kampus Liceu, Dili, Segunda (06/09).

Nia dehan, hanesan vida estudante ami presiza duni pulsa maibé lahatene iha fallansu ruma ou keta iha problema seluk mak to’o ohin loron maioria estudante Universidade Nasional Timor Lorosa’e (UNTL) sidauk simu subsídiu pulsa husi governu.

“Ida ne’e fó impaktu negatiu ba ami estudante, tanba iha Universidade professor barak mak aplika sistema online, ami eskola liu husi online de’it ne’ebé ami mos prresiza pulsa hodi aselera prosesu aprendizajenn online,” dehan nia.

Nia hatutan, Guvernu dehan ona atu fasilita pulsa maibé estudante barak mak sidauk hetan, ne’e sai problema bo’ot ida, tanba estudante labele assesu ba Eskola online, Konfinamentu Obrigatoriu, ita-nia inan-aman sira presiza hodi halo bisnis ruma, hanesan fa’an sasan, modo no seluk tan, hodi fo osan mai ita, agora situasaun hanesan ne’e, inan aman sira mos labele movimentu atu buka osan hodi sustenta ita. Governu liu husi polítika Ministériu Ensinu Superior Siensia no Kultura (MESSK) hamosu diskriminasaun ba estudante sira tanba maoria mak sidauk hetan pulsa.

Iha sorin seluk, Mateus Magno, nu’udar Estudante Universidade Nasional Timor Lorosa’e (UNTL), Fakuldade Edukasaun Arte no Úmanidade (FEAH) Departamentu English, Hatutan, Konfinamentu Obrigatoriu ne’e lori impaktu pozitivu no iha mos negativu.

“Positivu mak ita hatene katak ne’e di’ak, tanba atu salva ita husi Pandemia Covid-19 maibé  iha situasaun ne’e mos lori parte negativu  ne’ebé afeta ba ita labele halo movimentasaun hodi hala’o aktividade no buka moris,” Haktuir nia.

Nia haktuir, Ita liga ho parte Educasaun nian, agora daudaun ami  atu tun ba estajiu, entaun ami hasoru hela difikuldade atu viajen ba Munisípiu hodi hala’o ami nia estajiu tanba ita iha Konfinamentu Obrigatoriu nia laran, ne’ebé ohin dadersaan bainhira ami sai ba Munisípiu Likisa atu hare fatin estajiu nian, ami hasoru difikkuldade tanba iha dalan Policia sira check kartaun vasina nian, se mak sedauk simu vasina dala rua presiza tuir swab.

Nia hatutan tan, Ema balun prontu atu simu vasina maibé ema balun laran todan lakoi simu vasina, ne’e mos sai preokupasaun ba ema hotu tanba deklarasaun polítika husi Governu katak, se mak vasina dala rua ona bele la’o livre maibé pelu kontrariu ho pesoal saúde sira katak, se mak simu vasina dala rua mos sei swab hotu bainhira viajen ba Munisípiu sira, tanba ne’e maka ema simu vasina mos sei ta’uk hela, lolo’os vasina ne’e di’ak, bele aumenta ita nia imunidade maibé husi Governu liu-liu Ministériu Saúde halo esplikasaun ba publiku mak la klaru halo konfuzaun deit povu.

“Liga fali mai iha Escola ka kampus ne’e, buat barak la’o ladun di’ak, tuir loloos tempu ba ami atu halo ona aksin practice (Estajiu) maibé situasaun Konfinamentu Obrigatoriu, ita labele halo prosesu aprendijazen prezensial iha sala de aula. Entaun buat hotu paradu, ami hein, lahatene bainhira mak bele hala’o fali prosesu aprendizajen prezensial hanesan bai-bain,” esplika nia.

Nia relata, Tuir saida mak ohin ami hare, iha tasi tolu bainhira Policia sira chack poit, haree ema vasina ona dala rua bele husik liu, só ida ne’ebé simu dala ida de’it tenke swap no inklui ema sira ne’ebé nunka simu vasina. (BT)