DÍLI----Ministru Presidensia Konsellu Ministru (MPKM) Fidelis Manuel Leite Magalhães, Hatete, Governu liu husi Reuniaun Konsellu Ministu aprova ona projetu dekretu governu, ne’ebé aprezenta husi Ministru Administrasaun Estatal, Miguel Pereira de Carvalho Konaba renumerasaun orsamentu ba Presidente Autoridade (PA) No administrasaun Munisipal.

“Alterasaun dahuluk ba Dekretu Governu ne’ebé refere ba remunerasaun husi Prezidente Autoridades Municipál no Administradór Municipál sira, aprovasaun ohin presidente autoridade sira sei simu renumerasaun, kada simu $1.600 No administrasaun Munisipal $1.300,” Dehan Ministru Presidensia Konsellu Ministru (MPKM) Fidelis Manuel Leite Magalhães ba Jornalista sira iha salaun PKM, Palasio Governu, Kuarta (04/08)

Nia hatutan, Objetivu atu hadia kondisaun sira wanhira sira presta sira nia knaar ba ita-nia populasuan sira, atu dezenvolvimentu ne’e hahú husi baze, dalan ida mak atu hadi’a kondisaun atu sira bele iha kondisaun ne’ebé mak di’ak no tipu nivel ne’ebé mak di’ak atu sira bele servisu iha di’ak iha munsiipiu tan ne’e mak Govenru deside hodi aprovasaun remonitoriu foun ba iha Presidente Autoridade no Administrador munsipiu sira.

“Diploma ida ne’e hakarak atu adekua remunerasaun Prezidente Autoridade Munisipál ni Administradór Munisipál sira ho responsabilidade ne’ebé boot katak dezempeñu kargu nian implika, hanesan reprezentante sira, ba nivel munisipál, husi Governu Sentrál, ne’ebé kaer responsabilidade sira ba servisu oin-oin sira ne’ebé fó husi Governu ba sidadun lokál sira. Ho projetu Dekretu Governu ne’e, hahú husi fulan-janeiru tinan 2022,” Informa nia. (BT)