DÍLI----Parlamentu Nasional (PN) liuhusi Bankada Oposisaun CNRT-Deputadu, Gabriel Soares, Hatete, Relasiona ho orsamentu ne’ebé ak aprova iha uma fukun Parlamentu nasonál ba propinas semetre ida no ba lina Internet estudante nian iha instituisaun ensinu superior publiku no privadu iha territoriu laran tomak, CNRT observa ezekusaun latuir aprovasaun husi Parlamentu Nasional.

“Ejekusaun iha terenu la tuir Aprovasaun iha PN, $150 kada estudante nia foti UNTL kada semester $30 dolar seluk tau iha ne’ebé no UNPAZ $110 kada semester ida maibe $40 tau iah ne’ebé? tanba ne’e direitu Abssoluta estudantes nian tanba Estudante iha preokupasaun barak,” dehan Deputadu Gabriel Soares liuhusi ninia intervensaun iha PN, Tersa (03/08)

Nia dehan, Momentu Governu lori proposta mai iha umu fukun Parlamentu Nasional, hare iha proposta laran governu selu estudante kada pesoal hetan $150 ba estudante ba propinas semetre ida no ba lina Internet maibe hare ba ezekusaun latuir.

“Bankda oposizaun hare Governu halo politika oin seluk, ba universitariu finalista sira iha UNTL fó de’it $5 ita halo ida ne’e ba estudante sira, ema hotu akompaina, Politiku Govenru nian halo Kaman mak ho $5 ne’e, ita halo Kaman no direitu estudante sira nia $150 tenke fó ba estudante sira,” Salienta nia.

Entretantu “lina internete ita aprova iha Uma fukun PN katak $30 ba fulan 3 nian, maibé realidade hatudu tranfere $5 dolar ba estudante sira, sá Politika mak hanesan ne’e, laos kaolai mamuk maibé ita nia oan sira mak hatudu katak ami simu $5, $25 ba tau iha ne’ebe ita labele bosok malu,” Kestiona nia.

Iha sorin seluk, Hatan ba Preokupasaun refere, Ministru Ensinu Superior Siensia no Kultura (MESSK) Longuinhos Dos Santos, Haktuir, Relasiona ho Propinas ba estudante ba $150 dolar Amerikanu.

“Lei refere iha artigu 16 iha pontu 1-5 koalia kona-ba estudatnet sira ne’ebé mak rejistu iha intituitsaun superior atu hetan pagamenu subsidiu valor maximu $150 dolar Amerikanu, univerisdade nia ne’ebé mak kada semestre liu $150 ne’e reponsavele husi estudante nia inan aman tanba lei hatete selu de’it $150, prezensa Governu nian atu hakman difikuldade ne’ebé mak sira infrenta,” Hatete Ministru Ensinu Superior Siensia no Kultura (MESSK) Longuinhos Dos Santos.

Governante relata, Governu implementa tuir lei ne’ebé mak aprova ona iha Parlamentu Nasionál, Internet iha artivu 17 lei numeru 8/2021 ne’ebé mak aprova iha loron 3 fulan Maiu, hatete internet ne’ebé mak oferese gratuita ba ensinu superior, pulsa ba estudantes kada fulan $10. “Ba pulsa ita Oferese, ita halo akordu ho operador-3 Timor-Telekom, Telemor no Telkomcel ne’ebé mak realiza katak atu halo tranfere pulsa fulan ida $10 ita iha mekanismu ida loron-15 iha $5 dolar,” Esplika nia.

Nia Informa, objetivu atu halo efetividade atu utiliza ba nesesidade partinente liu-liu aulas online tanba atu halo efetividade de’it nune’e, ba operador primeiro timortelekom oferese primeiru ba loron-15 nian iha loron 27 fulan Jullu ba oferese segundu iha loron 12 Agostu tuir mai sei oferese tan. (BT)