DÍLI----Sekretariu Estadu Komunikasaun Sosiál (SEKomS) Mericio Juvinal dos Reis “Akara”, Hatete, Governu iha Dever no responsabliza hodi fó apoiu Emerjensia ba Vitima insendiu “ahi han uma” iha eis Merkadu Komoro.

“Tuir standar ita aplika primeiru ita atendimentu emerjensia ba ita-nia populasaun sira iha fatin hodi aguenta lai, no ita identifika saida-saida ita presiza apoiu nesesidade ba lor-loron nian depois mak identifika fatin hodi dezloka ita nia komunnidade sira ba,” Hateten Sekretariu Estadu Komunikasaun Sosiál (SEKomS) Mericio Juvinal dos Reis “Akara” ba Jornalista sira iha fatin akontesimentu eis merkadu Komoro, Kinta (29/07).

Nia hatutan, Primeiru mak ita identifika fatin hodi dezloka ita-nia komunnidade ba sira hodi augenta lai depois ita identifika dadus kompletu, importante mak governu prontu apoiu tanba ne’e dever governu nian.

Nune’e, Governante husu ba Ita-nia parseiru sira no organizasaun umanitaria sira hanesan Kruz Vermella no sira seluk ne’e sira loke dalan hodi hotu-hotu mai kontribui tanba tempu hanesan ne’e mak solidaderia tenke aplika.

Enkuantu, Vise-Ministra Solidaridade Sosiál no Inklusaun (V-MSSI) Singi Verdiál, Hatutan, Apoiu ida ne’e, ekipa servisu konjuta hamutuk ho protesaun sivil, depois ekipa Protesaun sivil tun rekolla dadus hafoin mak fo apoiu ba komunidade afeitadu sira-nia presiza. “Ita sei tenta lalais apoiu ba Komunidade sira nia presiza ida no servisu hamutuk ho Linas ministerial sira atu hatun lalais apoiu Umanitaria,” Haktuir Vise-Ministra Solidaridade Sosiál no Inklusaun (V-MSSI) Singi Verdiál.

Nia dehan, Dadaun ne’e apoiu primeiru mak apoiu umanitaria no hela fatin Provijoriu no depois faze tuir mai mak teknika sira sei halo normaliza hikas ba komunidade sira nia fatin.

Portantu, Xefe Aldeia 03, Zeferino Braz, Relata liutan katak, Tuir Kronolojia akontesimentu ne’e kalan tan seidauk identifika lolos husi saida, akontesiemntu ne’e iha dadersan madrugada oras Timor-Leste 03:30 no dadus vitima sira hamutuk atus lima (500) resin hetan afetadu.

“Dadus dezastre naturais ahi han uma provijoriu hamutuk na’in-500 resin, dadus konkreta ne’e foti iha rekopersaun ekonomia iha tempu liuba,” Katak Xefe Aldeia 03 Zeferino Braz.

Iha sorin seluk, Ministra Saude (MS), Odete Maria Freitas Belo, Mos marka prezensa husi parte saúde nian, hodi prepra ai-moruk, karik Vitima sira presiza tratamentu ekipa saúde protu hodi atende.

“Ami nia parte ami hare’e liuba inan isin rua no labrik ki'ikoan sira ne’ebé mak daduan fatin laiha, rai manas hanesan sira presiza fatin ne’ebé mak dignu ba sira no presiza tratamentu ruma ami tau matan,” Informa Ministra saude Odete Maria Freita Belo. (BT)