DÍLI----Magnefiku Reitor Universidade Nasionál Timor Lorosa’e (UNTL) João S. Martins, Informa, Planu atu reativa aulas prezensial ne’e informasaun iha media, maibé Ministru Ensinu Superior Siensia no Kultura (MESSK) seidauk konvida Reitor sira atu bele fó instituisaun halo abertura no Akompaiñamentu iha Media husi MESSK katak, iha fulan agustu nia laran bele hahu fali Aulas Prezensial, maibé ninia ejizensia mak Profesores no Estudantes sira tenki simu vasina ba dala rua.

“Planu atu reativa aulas prezensial ne’e informasaun iha media, maibé MESSK seidauk konvida reitor sira atu bele fo instituisaun halo abertura, akompainamentu iha media husi ministru katak iha fulan agustus nia laran bele hahu aulas prezensial ne’e di’ak liu tan, maibé ninia ejizensia mak ita hotu tenki vasina tantu profesores no estudante sira hotu tenki kumpri vasinasaun ba daruak atu permite aulas prezensial hahu fila fali,” hatete Magnefiku Reitor, João S. Martins ba jornalista sira iha Salaun INFORDEPE Balide Dili, Kinta (22/07).

Nia hatutan, Komunikadu formal seidauk iha maibé Governu deside reativa fali Aulas Prezensial ne’e di’ak tebes ba Universidade sira, ba estudante sira no ba Funsionariu sira tu bele hala’o fila fali prosesu apredizajen iha UNTL no universidade sira seluk. “UNTL ha’u seidauk hatene hirak mak vasina ona, maibé barak mak simu ona vasina, apela ba sira ne’ebé seidauk vasina hakbesika mai atu bele simu vasina iha fatin sira ne’ebé mak investinadu ba vasinasaun,” dehan nia.

Nia haktuir, Normalmente tenki iha komflikasaun formal ou desijaun husi Ministru Ensinu Superior Siensia no Kultura, informasaun ne’ebé sai husi media ne’e desijaun Ministru hato’o, espera katak iha ona antisipa bele rehabertura iha ensinu superior liliu ba abertura Aulas Prezensial. “Normalmente tenki iha komflikasaun formal ou desijaun sira seluk husi MESSK, sai ona husi media ne’e desijaun ne’ebé Ministru hato’o, ha’u espera katak no fiar katak iha ona antisipa bele ba rehabertura iha ensinu superior liliu abertura ba Aulas Prezesial,” relata nia. (BT)