DÍLI----Ministru Ensinu Superior Siensia no Kultura (MESSK) Longuinhos Dos Santos, Informa, Relasiona ho proposta husi Arcebispo Metro Politano Díli, Dom Virgílio do Carmo da Silva, SDB, nian atu har’i instituto Katolika nian iha Timor Leste maibe MESSK sei halo analizasaun no avaliasaun ba proposta refere atu oinsa tuir kadernu padraun Ministeriu Ensinu Superior Siensia no Kultura (MESSK) ne’ebe mak antes hatur tiha ona dekreitu balun kona ba hari’I instituisaun ensinu superior foun.

“Ha'u simu ona proposta husi Igreja Katolika nian husi Arcebispo Metro Politano Díli nian hatoo ona mai Ministru Ensino Superior Siensia no Kultura, portantu proposta né'e sei analiza no halo avaliasaun ba proposta né'e tuir kadernu padraun husi ida né'e mak ekipa tekniku sei tun fila fali halo observa bazeia ba rekejitus,” Dehan Ministru Ensinu Superior Siensia no Kultura (MESSK) Longuinhos Dos Santos ba jornalista sira iha Palasio Governu, Kuarta (21/07).

Nia hatutan, Iha kadernu padraun né'e iha 11 né'ebe mak mensiona, instituisaun Ida Hari'i liu-liu instituto Publiku no Privadu sira presiza iha komisaun instaladora ou Fundasaun ida né'e mak apresenta konaba Vizaun no Misaun nia planu estratejiku atu hari'i universidade né'e rasik, inklui mos Rezultadu estudu viabilidade.

Entaun, Kadernu Padraun Lisensiamentu ba Ensinu Superior ne’e hetan ona aprovasaun liu husi despaisu Ministerial numeru 90/GM-MESSK/ rumau 2/2020 ne’ebé mak hatur regras atu bele halo avaliasaun proposta ba Lisensiamentu Instituisaun Ensinu Superior foun sira tanba Kadernu Padraun Lisensiamentu ba Ensinu Superior ida ne’e nia kria bazeia rekezitu sira ne’ebé mak hatur ona dekretu lei nu.8/2010 kona ba rejime juridiku ensinu superior nian no mós bazaeia ba diploma ministerial 13/GM-MR/rumau 2/2017 kona ba lisensiamentu ba instituisoens ensinu superior sira.

“Objektivu prinsipal mak ba Kadernu Padraun Lisensiamentu Ensinu Superior ne’e mak atu bele garante Ensinu Superior ne’e rasik, tuir mai nia objektivu seluk mak atu bele kria liña orientasaun ka gite line ida atu bele halo avaliasaun ba proposta Lisensiamentu ba Instituisoens ensinu superior sira ne’ebé mak foun tuir lei ne’ebé mak lao ona,” hatutan nia.

Nia dehan tan, Parte seluk objektivu prinsipal ida halo Desiminasaun ida ne’e atu hato’o informasaun ba responsavel instituisoens ensinu kona ba regras no rekezitus prosedimentu ne’ebé mak hatur no define ona iha Kadernu Padraun Lisensiamentu ba Instituisoen Ensinu Superior sira nian.

Iha Instituisaun foun ne’ebé mak atu fulta neste momentu ate agora seidauk iha prosposta ruma ne’ebé mak iha meza ministeriu nian, maibé iha tinan kotuk hahu husi 2018 mai to’o iha 2021 ita iha Instituisaun ne’ebé mak fo ona lisensiamentu kadernu padraun ne’ebé mak iha hanesan Instituisaun Saldaña, Don Boaventura institute iha Betanu, Institute João Britu iha Kasait, inklui mós institute Politekniku Betanu ne’ebé mak hetan ona Lisensiamentu, ba dadaun ne’e seidaun iha proposta ne’ebé mak tama iha meza minsteriu nian

Entretanto preparasaun ba rekursus humanu liu-liu dosente sira no prioridade universidade atu hari'i liu-Liu rai no rekursus finanseira né'e mos rekejitus ida, no kurikulu ikus liu mak Estudante sira. (BT)