DÍLI----Ministru Ensinu Superios Siensia no Kultura (MESSK) Longuinho Dos Santos, Hatete, Relasiona ho anunsiu informasaun balun iha semana kotuk katak atu hahú aulas normais iha fulan oin maibe ho situasaun obrigasaun iha mundu kona ba Corona Virus Desease 2019 (COVID-19) nomos variante foun mosu tan iha nasaun vizinu, numeru simu vasinasaun iha eskola sira seidauk atinji pursentu 70 (70%), Ministeriu Ensinu Superior Siensia no Kultura (MESSK) deside no hola desizoens trava uit-oan aulas normais iha ensinu superior publiku no privadu atu bele atinzi vasinasaun segundu doses hafoin bele reativa aulas prezensial.

“MESSK sei trava oituan konaba ensinu prezensial, portantu karta husi MESSK sai ona ba institutu publiku no privada sira atu trava oituan estudante no professor inklui fumsionario sira né'ebe mak servisu iha ensinu superior atu bele atinji vasinasaun,” Dehan Ministru Ensinu Superios Siensia no Kultura (MESSK) ba jornalista sira hafoin reaniun KM iha Palasio Governu, Kuarta (21/07).

Ministru Informa, MESSK seidauk reativa ba aulas prezensial razaun fundamental mak atu atinjimentu numeru vasinasaun ba segundu doses, primeira lugar hein atinjimento husi dosente sira no funsionario sira kompleta. Nia dehan, Ba estudante sira bele atinji ona ba segundu doses atu bele reativa ona maibe ministru nia intervensaun iha semana kotuk katak inisiu de agustus atu reativa maibe atu kopera di'ak ho governu liu-liu ensinu superior no instituto privada sira atu bele aumenta numeru vasinasaun.

“Tanba sá governu preokupa atu bele asegura mos nova variante delta né'ebe mak dadaun né'e ita nia país vijinu indonésia austrália komesa numeru aas, atu asegura ida né'e dalan uniku mak vasinasaun atu hasae ita imunidade hodi bele satan propagasaun nova variante delta,” Informa nia. (BT)