DÍLI----Ministru Koordenador Ajuntus Ekonomiku (MKAE) Joaquim Amaral hatete, Governu liuhusi Ministeriu Koordenador Assuntu Ekonomiku (MKAE) Servisu hamutuk ho Ministeriu Administrasaun Estatal (MAE) ho Ministeiru implementador sira seluk atu verifika pendenti sira, reklamante sira hodi oinsa bele kompleta sira ne’ebé mak sedauk hetan direitu kona ba “Cesta Bazika” maibe husi verifikasaun ne’e hela rihun 24 mak seidauk simu “Cesta Bazika”.

“Data ne’ebé fikxa ba atu halo hotu inklui pendenti sira, reklamasões sira ne’e mak iha Jullu nia laran, ne’e ita hein katak bele kompri kalendariu, ita tenki verfika fali naran sira ne’ebé iha tanba Prosesu distribuisaun “Sesta Bazika” ne’e final ona, saida mak agora iha halo resolve depedenti sira ne’e, dependenti sira ne’e naran laiha, sedauk simu ne’e numeru oituan 24 mil,” Hateten, Ministru Koordenador Assuntus Ekonomiku (MKAE) Joaquim Amaral ba Jornalista sira iha salaun CNE, Kinta (15/07).

Nia hatutan, Sei servisu hamutuk ho Ministeiru Administrasaun Estatal (MAE) ho Ministeiru implementador sira ho Ministeriu Agrikultura no Peskas (MAP) atu haree para bele kompleta tiha sira ne’ebé mak sedauk simu “Cesta Bazika” ne’e. “Iha fulan Jullu nia laran ne’e ita bele resolve pagamentu la’o hela ona, Ministeiru sira prosesa hela pagamentu ne’e, atu distribuisaun hotu ona sira iha direitu atu hetan pagamentu,” Salenta nia.

Nia dehan, Kona-ba reklamantes no naran pendentes laos governu laiha ona planu atu fo sira-nia direitu maibe sei verifika lolos depois hotu tempu badak sei simu sira-nia direitu tanba data fiksu atu konklui “Cesta Bazika”. “Planu ne’e iha, maibé la’os ida universal ne’e hanesan ba iha grupu albun sira de’it ona, grupu albun sira ne’ebé, sira karega sedu ne’e sira vuneravel duni atu hetan apoiu ai-han ne’ebé medidas iha kontextu seguransa alimentar governu sei fó kontinuasaun ba ida ne’e,” Informa nia. (BT)