DÍLI----Ministru Ensinu Superior Siensia no Kultura (MESSK) Longuinhos Dos Santos, Informa, MESSK hanoin propestiva ida katak inisiu Fulan Agostu posibilidade Universidade sira bele Reativas Aulas Prezensial maibé tenki prense rekezitu ne’ebé mak hatur ona husi Resolusaun Governu katak presiza halo vasinasaun kompletu ka doze daruak.

“Iha MESSK nia hanoin propestiva ida katak iha inisiu agostu iha Posibilidade atu Universidade Sira bele reativa Aulas Prezensial maibé tenki priense rekezitu sira ne’ebé mak hatur ona iha Resolusaun Governu katak persiza halo vasinasaun kompletu ka doze daruak liliu ba ensinu superior publiku sira tenki prense rekezitus sira iha ne’ebá,” hatete MESSK Longuinhos Dos Santos ba jornalista iha salaun INFORDEPE Balide Dili, Kinta (15/07).

Nia hatutan, Nune’e atu bele evita moras hadaet ka propagasaun moras ne’ebé mak mai ita hotu akompaiña agora dadaun ne’e iha moras ne’ebé ho naran variante foun ne’ebé mak DELTA sai hanesan ameasadu ba ita Timor-Leste nasaun Vizinu sira agora dadaun afeta ba moras ne’e, tanba ne’e mak ita preokupa ba ida ne’e.

Nia dehan, MESSK nia ekipa halo monitirozasaun ba fiskalizasaun ba preparasaun aulas prezensial ba Universidade Privadu no Publiku sira, alende ne’e halo monitorizasaun ba regras ne’ebé mak ita halo katak agora dadaun seidauk halo lisensiamentu ba universidade sira atu hala’o aulas prezensial

“Ita iha ekipa ida ne’ebé halo monitorizasaun ba fiskalizasaun ba prepasaun aulas prezensial ba universiade sira ida ne’e, alende ida ne’e mós ita halo monotirizasaun ba regras sira ne’ebé mak ita halo katak agora dadaun ita seidauk halo lisensiamentu ba universidade sira atu hala’o Aulas Prezensial,” Relata nia. (BT)