DÍLI----Representante United Nastions (UN) iha Timor-Leste, Roy Trivedya, Informa, Mundu ohin loron iha mudansa klimatika, presiza halo kampaina barak hodi oinsa ba futuru labele akontese grave liutan ba infrenta aihan ida ne’e, tanba dadaun populasaun hamutuk 850 milaun iha mundu laiha aihan ka hamlaha.

Nune’e, Parseiru internasional ho Governu dadaun halo dialogu oinsa kunsulta opiniaun no kolia planu sustentabilidade aihan iha futuru. Enkuantu, Tinan ne’e, SEKoop iha ona planu no programa apoiu sistema aihan oinsa aumenta produsaun hodi reforsa ekonómia nasionál.

“Ohin loron iha 850 miliaun populasaun iha mundu mak laiha aihan ka hamlaha, Tamba ida ne’e mak SECJEN UN no membru nasaun UN sira hotu deside atu iha tinan ne’e halo eventu barak atu koalia kona ba oinsa mak ita bele iha sustentabilidade aihan iha futuru,” Hateten Represntante UN iha Timor-Leste, Roy Trivedya liu husi nia diskursu iha salaun City-8 Manleu Díli, Kuarta (13/07).

Nia hatutan, Atividdade ida mak 2021 Food Systems Pre-Summit husi 26 - 28 July 2021 iha Roma, iha Final tinan 2021, ita mos sei iha nutrition for Growth Summit hodi koalia kona ba nutrition. Nia Informa, Hanesan ita hare populasaun global aumenta, sistem aihan mak xave importante atu responde ba problema aihan mundial.“Hanesan ita hatene katak mudansa klimatika iha impaktu boot ba sistema aihan mundial,” dehan nia

Nia haktuir, Sustentabilidade sistema aihan laos deit luta ba halakon aihan maibé, haforsa atu haforsa no ajuda mundu hodi alkansa progressu dezemvolviment sustentavel.

Iha sorin seluk, Diretor Geral, Sekretariu Estadu Kooperativa (SEKoop), Fransisco Xavier, Informa, Sekretariu Estadu Kooperativa (SEKoop) nia prezensa dialogu ida ne’e oinsa hatoo informasaun ruma ho servisu SEKoop ninia bele ba apoiu programa sistema aihan tinan 2021.

“Ha’u hanoin SEKoop nia prezensa dialogu ida ne’e oinsa mak hatoo informasaun ruma hanesan ho servisu SEKoop ninian ba apoiu programa ida ne’e liliu ba iha sistema aihan tinan 2021 ne’ebé mak ohin tenki hakotu rekomendasaun ida bele ba iha ONU ninian,” Haktuir Diretor jeral SEKoop Fransisco Xavier.

Nia hatutan, Tanba ida ne’e mak orsida iha diskusaun nia laran ita sei fo kontribuisaun liliu servisu ne’ebé mak ita halo ona iha SEKoop ho komunidade. Alende ida ne’e mos informasaun prioridade ne’ebé mak SEKoop produs hela iha SEKoop nia laran oinsa esforsu suporta grupu iha area rurais oinsa bele aumenta produsaun agrikultura hodi reforsa ekonómia nasionál ho nivel nasionál hodi kontribui populasaun ne’ebé mak moris iha situasaun a’at nia loran.

“Rekomendasaun mak oinsa mak ita esforsu suporta ita nia grupu sira ne’ebé mak iha area rurais atu oinsa atu bele aumenta produsaun ba agrikultura atu nune’e bele reforsa ita nia ekonómia nasionál ho nivel nasionál nomos kontribuisaun ba ita nia populasaun ne’ebé mak sei moris iha situsaun at nia laran,” Relata nia. (BT)