DÍLI----Diretor Eskola, Ensinu Baziku Central (EBC) Hera, João Moreis da Crus, informa, agradese ba Ministeriu Edukasaun Joventude no Desportu (MEJD) ho UNICEF ne’ebé suporta ekipamentus limpeza hirak ne’ebe mak simu ona, maske menus no la tuir bu’at ne’ebé presiza, maibé tenta nafatin atu oinsa bele hein Konfinamentu Obrigatoriu ne’e remata hodi bele halo limpeza jeral ho komunidade, alunus no inan-aman sira ba eskola.

“Ami agradese ba ekipamentus ne’ebé MEJD suporta maske la kompletu no la tuir ne’ebé ami presiza, ha’u koalia hanesan ne’e tanba pelu menus ajuda sira hanesan ne’e husu uluk lai iha baze ne’e presiza ida ne’ebé, maibé iha laran balun iha, kona-ba atu utilizasaun sasan sira ne’e ha’u hare’e katak, prontu maske menus ami tenta atu oinsa bele hein konfinamentu obrigatoriu ne’e remata bele loke fali dalan atu ami bele halibur inan-aman balun, komunidade no alunus atu bele ajuda halo limpeza iha ne’ebá,” Hatete Diretor EBC Hera João Moreis da Crus ba jornalista sira iha Edifisiu MEJD Vila-Verde, Dili, Tersa (08/06).

Nia hatutan, Hanesan ita bo’ot sira hatene ami-nia sentru ensinu baziku Hera iha sala aula sanulu resin rua mak afetadu, depois iha sala ki’ik rua ida ba nia biblioteka nomós ami-nia kooperativa eskola ne’ebé ke hetan afetadu husi dezestre naturais.

Entaun presiza mobilize ema atu bele fase, iha fulan kotuk ekipa saneamentu munisipiu Dili ba halo ajuda suru rai iha aulas laran ne’e, soke seidauk fase, ne’ebé kestaun ohin ha’u koalia ona ho diretor nasaioná asaun sosial eskolar oinsa atu bele suporta be’e ka bombeirus bele suporta be’e atu bele fase ami nia sala aula sanulu resin ha’at (14) ne’ebé agora dadaun sei tahu hela.

“Material sira ne’e ami uza balun ona atu bele ke’e sai tahu sira iha varanda ninian, durante ne’e ekipa SAS ba hamos, maibé udan mai entaun uma tatis ne’e lori fali foer tama ba aula laran, be’e iha eskola iha, soke nia kapasidade atu bele fase eskola mak konflkadu oitoan, tanba presija korente ne’e bo’ot atu bele fase sala aula sira ne’e,” relata nia. (BT)