DÍLI----Diretora Jeral Administrasaun Finansas, Ministeriu Edukasaun Joventude no Desportu (MEJD) Cesilia Maria Belo Asis, informa, MEJD ho UNICEF entrega material limpeza ba Eskola lima hanesan atu oinsa eskola hirak ne’e bele uza hodi hamos tahu ka foer ruma iha eskola ne’ebé afetadu husi inundasaun iha loron 4 Abril liuba.

“Ohin dader Ministeriu Edukasaun Joventude no Desportu ho UNICEF ami entrega material limpeza ba eskola lima ne’ebé mak afetadu maka’as iha inundasaun 04 Abril mak hanesan EBC Hera, tekniku vokasionál Hera, ESJ 05 de Maio Bekora, EBC Sergio Veira de Melo ho ESG 4 de Setembru, entrega material sira ne’e atu limpeza,” Hatete DJ Administrasaun finansas MEJD Cesilia Maria Belo Asis ba jornalista sira iha Edifisiu MEJD Vila-Verde, Dili, Tersa (08/06).

Nia hatutan, Material ne’ebé mak MEJD prepara mak Kariña, Aisar, Enxada, Balde, Gerobak no Botas depois mak ami fahe ba eskola lima ne’e, apezar iha fulan rua nia laran ona, lolos ne’e entrega tiha ona nomós atu limpeza hamutuk ho professor sira, maibé situasaun tama iha konfinamentu obrigatoriu “Lockdown” entaun ita labele mobiliza ema barak, ne’ebé MEJD foin mak entrega iha loron ohin.

Nia dehan, Material sira ne’e ba professor sira atu sira halo limpeza eskola lima de’it mak hetan material sira ne’e, maibé sasan barak hela ne’ebé orsida fahe mak ita hare’e eskola hira atu simu sasan ne’e kada eskola ida hetan hetan hira, maibé hot-hotu sei hetan balde, kariña, aisar, enxada, sei hetan hotu.

“Ekipamentus sira ne’e balun husi orsamentu husi Ministeriu Edukasaun Joventude no Desportu nian no mós apoiu husi parseiru UINCEF nian, orsamentu edukasaun por volta 3 mill ita de’it, ami sosa material iha tempu ne’e hare’e depois inundasa un ne’e ministru eduksaun ba hare’e eskola sira ne’e afetadu maka’as los mak eskola lima ne’e,”Relata nia.

Nia haktuir, Lolos ne’e MEJD mobiliza joventude ho profesores sira ba limpeza direitamente ho sira iha eskola lima ne’e, soke ita tama tiha iha konfinamentu obrigatoriu, entaun labele mobiliza ema barak ne’e mak ami fahe de’it ona ba sira.

Iha fatina hanesan Reprezentante UNICEF iha Timor-Leste Scott Whoolery, hatutan, UNICEF nia apoiu ne’e barak ona, maibé labele hare’e ba nia numeru ka valor, tamba ne’e bele apoiu hodi bele servisu hamutuk lao ba oin. “UNICEF apoiu ne’e barak maibé ita labele hare’e ba nia numeiru ka valor ne’e, maibé oinsa ita bele fó apoiu atu bele servisu hamutuk hodi lao ba oin,” hatutan Scott Whoolery.

Nia Informa, Atu rekoinese apoiu ne’ebé mak Ministeriu Edukasaun Joventude No Desportu no mós husi diresaun Diretor Eskola sira ne’ebé mak fornese liliu ba ita-nia populasaun sira ne’ebé mak hetan fatin afetadu sira bele uza eskola ba sira husi hela hanesan fatin evakuasaun ba sira liliu ba inan no labarik sira. (BT)