DÍLI----Relasiona ho Resolusaun Governu Nian kona ba Serka Sanitaria Komfinamentu Obrigatoriu, labele halibur malu liu ema nain-10, Instituto Of Bussines (IOB) ninia estudante na’in-2662 mak partisipa ona ba aulas oinline hela na’in-1625 maka seidauk ativu. Vise-Reitor 1, assuntu Akademia, Antonio Soares Martins, Informa, Estudante ativu Aulas online iha Instituto Of Busniess (IOB) hamutuk na’in-4287, maibe Husi numeru ne'e ativu 2662 la Ativu iha 1625.

“Ami nia estudante iha IOB por volta 4287 husi numeru ne'e inklui ona sira finalista sira ne'e hakerek hela monografia, numeru ami kobre Estudante 70% mak iha numeru kontaktu dadaun ne'e partisipa aula Online, 30% la ativu,” Dehan Vise-Reitor 1, assuntu Akademia, Antonio Soares Martins Ba jornalista Business Timor iha Salaun IOB Fomento, Tersa (01/06)

Nia hatutan, husi Numeru hirak ne'e manda ona ba Ensinu Superior hodi bele konkore ba sunsidiu Rua, subsidiu Propinas no Subsidiu Pulsa internet fulan-3 nian, maibé ida ne'e foin asina kontratu husi Ministeriu seidauk transfere subsidiu mai Instituisaun hodi distribui ba Estudante.

Nia dehan, Estudante sira ho vontade hodi Partisipa Aulas online, mais balun mak lapartisipa aulas tanba laiha teknolojia no laiha osan hodi sosa pulsa iha serka sanitaria hodi partisipa atividade aulas online tanba aspeitu familia ladun lao. Nune’e, Dezafiu seluk ne'ebe mak estudante no instituisaun hasoru mak lina internet lentu teb-tebes ho nune'e prejudika aulas Virtual Zoom metiing ladun ativu di'ak maibé instituisaun iha Maneira seluk dosente tau Ona nia modulu iha google Klas Room no WhasAap.

Iha Fatin seluk, Ministru Ensinu Superior Siensia No Kultura (MESSK) Longuinhos Dos Santos, haktuir katak, Governu sei promete sei iha tempu badak hodi Oferese liña internet ba instituisaun Privadu sira hodi fasilita Teknolojia. ‘VIII Governu Konstitusionál sei iha tempu badak nia laran atu fasilita liña internet ba Instituisaun Ensinu Superiór privada sira atu dosente no estudante sira bele iha asesu ne'ebé fásil liu ba siénsia no teknolojia. Ita presiza prepara ita-nia rekursu umanu sira ba “Era Dijitál” no asesu internet sai hanesan instrumentu esensiál ida,” Dehan Ministru Longuinhos. (BT)