DÍLI----Bankada Fretilin liuhusi Deputada Lidia Norberta hatete Funsionário no Deputadu/a sira iha Parlamentu Nasionál (PN) ohin hasai teste Swab ba Daruak nian tanba durante Funsionário no Deputadu/a sira sempre halo kontaktu nomos Marka audensia ho membru governu sira tanba Funsionario husi Ministeriu sira balun Positivu.

“Parlamentu Nasionál ami servisu ne’e tanba representante povu signifika ami teke servisu lapara, marka audensia barak ho Ministeriu, iha semana kotuk ami komisaun sira audensia ho Ministeriu sira tanba Ministeriu balun nia funsionariu sira positive,” Dehan Deputada Lidia Norberta ba Jornalista sira iha Resintus PN, Tersa (04/05)

Nia dehan, Teste Swab ida ohin ne’e, lao ami Deputadu sira tuir Audensia maibé ami kontaktu maluk sira, funsionario sira husi Ministeriu sira seluk tanba ida ne’e maka Dever parlamentu nian atu koopera hodi salva saúde publiku.

Nia informa, Funsionariu Motorista, Seguranssa, deputadu hotu, no Funsionario iha Parlamentu nasionál positive ne’e iha tiha ona, iha semana Kotuk ba hotu tiha ona Fatin Isolamentu. Nune’e, Parlamentu Nasional husu SIJK ba teste swab husi Fundionariu no Deputadu/a sira his Parlamentu Nasional bainhira rezutadu balun positivu labele husik livre.

“Sentru Integradu Jestaun De Krije (SIJK) kuandu hetan rezultadu la telefone kedas ema ida positive ne’e, so ami parlamentu mak detekta fali, depois haruka lista ne’e mai no maluk ida ne’ebé positive ne’e nia kopera duni nia-an ba SIJK, tamba ami rekomenda ba sentru integradu kuandu iha rejultadu instituisaun ruma positive sai husi laboratoriu ne’e, ita boot sira labele rai de’it iha serntru integradu maibé telfone positive ne’e para labele fó risku ba ema seluk,” Haktuir nia.

Nia Informa katak, Maluk ida positvu ida seman kotuk ne’e nia lahatene buat ida, nia lao nia hanoin katak buat hotu di’ak hela, entaun nia lao ba mai loron ida tomak, Depois husi PN mak detekta fali Lista ne’ebé mak mai nia ba entrega nia-an. (BT)