DÍLI----Bazeia ba rede internet iha Timor-Leste ninia velosidade ladun efeitivu tanba tore internet telkomcel monu iha parte Maumere no Kupang-Indonezia. Ministru Transporte No Komunikasaun (MTK) José Agustinho Da Silva Hatete rede internet iha Timor-Leste la lao tanba torre internet Telekomunikasaun Telkomcel iha area Maumere no Kupang-Indonezia monu no dadaun ekipa tekniku sei halo hela servisu hodi oinsa fornesimentu internet bele lao fila-fali.

“Akontese Rede Internet Internasionál Telkomcel ninian monu iha area Maumere no Kupang ne’ebé afeta husi infraestrutura ka inundasaun ne'ebe akontese Domingu dadersan no teknikus sira halo hela servisu hodi bele normaliza fali fornesementu internet ba nia kliente sira hotu iha situasaun aktual ida ne'e tanba ita dependensia ba Internet husi Telekomunikasaun tolu,” Dehan MTK José Agustinho da Silva ba jornalista sira hafoin simu vasina AstraZeneca iha sentru saude-Bairo Formoza, Kuarta (07/04)

Nia dehan, Iha loron hirak liuba kotuk parte telekomunikasaun tolu Hanesan Telemor, Telkomcel no Timor Telekom sira iha problema tekniku tanba Telkomcel nia Tore monu entaun afeita ba telekomunikasaun rua ne'e hotu hanesan Timor Telekom No Telemor tamba parte rua ne'e depende ba telekomunikasaun Telkomcel i kuandu Telkomcel hetan problema ruma afeita mos ba telkomnikasaun rua ne'e hotu nomos ba kliente sira hotu inklui ajensia 196 ne'e afetadu hotu no mos ita hotu.

“Ita hotu hatene katak Ministeriu Transporte No Komunikasaun (MTK) halo jestaun ba kapasidade penwich ne'ebé mak iha hamutuk 200 MB, ne'e ita fornese 196 ba ajensia no oras ne'e dadaun benefisiariu ba penwich ida ne'e hamutuk 256 entaun diment ba internet ne'e husi tempu ba tempu nia sae maibe ita-nia kapasidade penwich ne'e laiha fali, 200 MB deit tanba ne'e mak MTK iha ona planu politika atu hasae kapasidade penwich husi 200 MB (Mega bite) ba 1G (Giga-bite) ekivalente ho mil MG perseken,” Governante ne'e esplika.

Ho nune'e politika MTK iha segunda ne'e reniaun ona ho operador telekomunikasaun tolu no Autoridade Nasional Telekomunikasaun hodi bele asegura rede internet durante serka sanitaria. “Tanba ita hotu hatene katak serka sanitaria ne'e barak mak iha uma entaun ita-nia nesesidade ne'e a'as no ita-nia telefone uza 4G domina iha ita-nia rai laran. Agora ema hotu-hotu iha aktiva hotu entaun afeita ba nia velosidade, hanesan hau koalia ita-nia kapasidade pewich ne'e 200 MB deit entaun labele aguenta,” Salienta nia.

Nia Informa, Alternativa ne'ebé ministeriu ne'e atu halo agora mak atu aselera konkursu ba 1GB, segundu hasae kapasidade husi 200 MB penwich ba 1GB ne'e bele fasilita ona ajensia no klientes sira estudantes bele diak ne solusaun tranjitoriu hodi bele hein iha ita-nia fibra optika,” Hakotu Ministru. (BT)