DILI----Estadus Unidus hamutuk ho Timor-Leste simu 24.000 doses vasina COVID-19 AstraZeneca iha 5 Abril, 2021. Vasina ne'e bele to'o mai, tanba liu husi COVAX Advance Market Commitment, inisiativa global ida atu apoia assesu justu ba vasina COVID-19. Estadus Unidus anunsia ona apoiu inisial billaun $2 husi total komitmentu billaun $4 ba COVAX Advance Market Commitment ne'ebe sei apoia distribuisaun vasina ba nasaun liu 90 inklui Timor-Leste. Ida ne’e pozisiona Estadus Unidus hanesan kontribuenti bo’ot liu ba resposta internasional hasoru COVID-19.

“COVID-19 problema mundial nian ne’ebé presiza solusaun global. Hau orgullu katak Estadus Unidus mak sai kontibuente prinsipal iha resposta global ba COVID-19 no komunidade internasional servisu hamutuk hodi kombate virus ne’e. Ida ne'e parte ida husi apoiu tinan naruk Estadus Unidus nian ba Timor-Leste nia sistema kuidadu saude.

Estadus Unidus servisu hamutuk nanis kedas wanhira pandemia ne'e hahu no kontribui ona millaun $1.6 resin hodi responde COVID-19 iha Timor-Leste, montante ketak ida husi EUA nia apoiu ba COVAX.” Embaixador EUA ba Timor-Leste, Kevin Blackstone hateten.

Provadu siguru no vasina ne’ebé efetivu maki ta nia meu efetivu atu kombate pandemia ne’e no Estadus Unidus liu husi USAID orgullu apoia COVAX ne’ebé hili deit vasina sira ne’ebé hetan ona teste rigurozu no provadu seguru no efetivu.

Parseria no investimentu longu prazu iha setor saude Estadus Unidus nian iha Timor-Leste mak liu husi USAID nia apoiu ba programa sira Ministériu Saude nian hodi kombate malaria no hadiak servisu kuidade saude maternal no labarik inklui programa sira husi Ministériu Defeza EUA nian no Forsa naval EUA Seabees ne’ebé hari no reabilita klínika sira.

Esforsu sira ne’e hotu fo’o ona koñesimentu tékniku no hadiak infraestrutura esensial sira atu reforsa preparasaun no resposta rápidu atu ajuda kontrola pandemia COVID-19 no salva povu nia vida. Iha tinan 20 nia laran, Estadus Unidus kontribui ona millaun $70 ba servisu saude iha Timor-Leste. (BT)