DÍLI----Governu liu husi Sekretáriu Estadu Protesaun Sivil (SEPS) Juaquim José Gusmão hateten, labarik idade ki'ik sira ne'ebé mak afeita hotu ba inundasaun Governu seí muda ba Cruz Vermella Timor-Leste (CVTL) nune'e belehetan asistensia ruma.

“Situasaun ne'ebé mak labarik sira infrenta hotu, ita seí fó apoiu liu husi parseiru sira ne'ebé mak iha, Saúde no CVTL bele fó apoiu ba labarik ki'ik oan sira, ba labarik sira ki'ik oan liu, seí muda ba CVTL hodi bele hetan apoiu, tanbá sira mak fátin kompletu,” Dehan SEPS Juaquim José Gusmão ba Jornalista sira iha Palásiu Governu, Segunda (05/04).

Governante ne'e esplika, Komunidade idade avansadu seí evakua ba fátin sentru evakuasaun sira ne'ebé mak Governu identifika ona. “Ba Komunidade iha nivél avansada, Sekretáriu Estadu Protesaun Sivil fundamenta, seí fokus hodi halo evakuasaun ba sira ne'ebé mak ferik no katuas, inan isin rua, inan feton sira no labarik ki'ik oan sira, seí fokus hodi evakua ba fátin sentru evakuasaun,” Hateten SEPS

Juaquim Reafirma tan, Fátin hira mak identifika ona hodi evakua ita-nia sidadaun sira ne'ebé mak hetan inundasaun, Sekretáriu Estadu Protesaun Sivil rekoñese, fátin hamutuk 11 mak identifika ona fátin bot liu mak ida Dom Bosco. Nune’e, Kona-bá Komunidade sira ne'ebé mak lakon vida ba situasaun inundasaun ne'e, Sekretaris Estadu Protesaun Sivil hatán katak Komunidade sira hamutuk 13 mak lakon vida, iha kapitál Díli de'it, maibé ba Munisípiu hotu to'o agora hamutuk 21 ital ona. Nunee’e hamutuk-27

Sekretáriu Estadu Protesaun Sivil (SEPS) relata katak, Kona-bá dadús ne'ebé mak komunidade ka populasaun sira ne'ebé hasoru inundasaun, totál ne'e bele tun no bele sa'e tanbá seí provizóriu 7 Mil ona no ekipa sira seí rejistu nomos seí hare fila-fali situasaun ida ne'e.

Alende ne'e mós Vise-Ministru Interior (V-MI) António Armindo haktuir tan, Fátin ne'ebé mak identifika ona hodi evakua ita-nia sidadaun sira ne'ebé mak hetan inundasaun mak fátin hanesan Dom Bosco, Edifisiu Ministériu Finansas, Tasi-Tolu João Paulo II, Liseu, Cruz Vermella Timor-Leste, Edifisiu Sekretáriu Estadu Protesaun Sivil nomos fátin sira seluk mak seí identifika hodi evakua ita-nia sidadaun sira ba fátin refere. “Foin dau-daun fó saí ona enkontru iha inter-ministeriais, kuaze ema hamutuk 13 pesoas mak lakon vida ba inundasaun iha Kapitál Díli,” Informa nia. (BT)