DÍLI----Bazeia ba nota komunikadu Imprensa husi Sentru Integradu Jestaun ba Krize (SIJK) ne’ebé reafirma husi Ofisial Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo haktuir katak Ohin kazu hamutuk 39 tanba SIJK detekta tan kazu positivu foun-2 husi Munisipiu Ermera ne’ebe mak halo viajen husi Dili ba Letefoho, iha dia 26 de Marsu.

“Kazu foun ohin aumenta na’in-39 tanba SIJK Ohin deteta kazu pozitivu 2 iha Munisipiu Ermera, Kazu rekuperadu na’in-3 no Total kazu ativu hamutuk na’in-451,” Bazeia ba nota komunikadu Imprensa SIJK, Kinta (01/04).

Nune’e, Husi total kazu foun ohin, mane na’in-20, feto na’in-19, Sintomátiku na’in-4, Asintomátiku na’in-35 tanba Evolusaun Surtu Covid-19 Iha Munisipiu Dili Ohin, kazu foun na’in-37. Nune’e, kazu detetadu ka pozitivu iha Munisipiu Dili husi dia 7 de Marsu 2021, to’o ohin, 1 de Abril de 2021, hamutuk hotu 493. Ho baze ba informasaun ne’ebé ekipa konjunta saúde nian rekolle, foku/cluster kazu pozitivu iha Dili.

Ho nune’e, iha Munisipiu Dili, sei iha cluster 48 mak sei nafatin hatudu atividade hada’et tutan virus SARS-CoV-2, husi ema ida ba ema seluk, liu-liu iha Suku Madohi, Bebobuk, Fatuhada, Komoro, Bairro-Pité, Motael, Kulu-Hun, Lahane Oriental, Bekora. Nomos Kazu pozitivu na'in-2 ne’e halo viajem husi Dili ba Letefoho, iha dia 26 de Marsu. Iha Dili, sira hela iha aldeia Golgota, Suku Komoro. Ekipa konjunta saúde sei buka-tuir hela kontaktu-besik sira hotu,” Nota KI.

Alende Husi horiseik mai ohin hamutuk hotu LNS halo 1228 testes PCR, inklui 137 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Dili. Portantu, Total pedidu autorizasaun esepsionál atu sai husi serka sanitaria iha Munisipiu Dili, horiseik dia 31 de Marsu, hamutuk hotu 118. Sekretariadu SIJK responde hotu kedas, maibé 32 pedidus la prienxe kriteriu tuir Rezolusaun Governu.

Informa mós ba públiku katak Kazu grave-1 ho moderadu na'in-3 iha fatin Izolamentu Vera-Cruz, kontinua hetan atensaun husi ekipa medika, Sira nia kondisaun estável. Aproveita mós informa katak, maski atividade prevensaun no mitigasaun ba surtu Covid-19 iha Munisipiu Dili konsentra-liu iha Postu Administrativu Dom Aleixo, Vera-Cruz, Nain Feto ho Krsitu Rei.

Iha Postu Administrativu Metinaru ho Ataúro, nafatin hala’o atividade vijilánsia sentinela ho rastreiru aleatóriu ba grupu de risku. Husi 1 de Marsu to’o 31 de Marsu 2021, Postu Administrativu Metinaru rekolle 78 amostras ba teste PCR, no Postu Administrativu Ataúro rekolle 306 amostras. Rezultadu husi Postu Administrativu rua ne’e negativu hotu kedas.

Nafatin apela ba komunidade iha fatin ne’ebé maluk sira rekuperadu sira hela bá, favor labele tauk, labela halo diskriminsaun ba sira, tamba sira ne’ebé sai husi fatin izolamentu, ekipa saúde sira sertifika ona katak sira laiha ona risku atu hada’et-tutan virus ba ema seluk. Apela ba populasaun Timor-Leste tomak, liu-liu iha Munisipiu Dili, Baukau ho Vikeke atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona.

“Uza maskra, fase liman beibeik ho sabaun ka dezinfetante ruma, evita kose liman ba matan, inus ho ibun, wainhira kumprimenta malu, lapresiza ka’er liman, bensa-liman, rei-malu ka haku’ak malu; evita halibur malu barak, hamri’ik ka tur do’ok husi ema seluk, mínimu metru ida ho balun,” A nota informasaun KI SIJK nian. (BT)