DÍLI----Estudante husi Úniversidade Nasionál Timor Lorosa'e (UNTL) hala'o Konferensia Imprensa katak, Governu laiha seriedade hodi implementa Serka Sanitária no Konfinamentu Obrigatóriu, tanbá ladun prepara kondisaun ba estudante no negosiante sira.

Tuir Porta Voz Zebedeo Montero Pinto liu husi Konferensia Imprensa Katak, Bazeia bá rezolusaun Governu liuhosi reuniaun Konsellu Ministru deside extende serka sanitaria no konfinamentu obrigatóriu (lockdown) iha Munisípiu Dili inklui Munisipiu Baucau no Viqueque ne’ebe sei termina 2 Abril ho razaun laiha atuasaun ne’ebe mazimu ba ninia povu no deskrimina ba ema iha rai laran no rai liur.

“Tuir ami nia observasaun durante ne'e Govemu la iha seriedade ba implementa Serka Sanitária,” Dehan Porta Voz Zebedeo Montero Pinto liu husi Komunikadu Imprensa (KI) iha UNTL lama Kaikoli, Tersa (30/03).

Ho ida ne'e, Estudante UNTL husu Governu, wainhira atu extende tan Estadu Emergensia ba dala 12 nomós serka sanitária ba dala tolu, Governu Governu tenki presiza kria halo avaliasaun kona-bá kazu públiku tanba dadaun ne’e mos Komunidade sira halerik ba rendementu menus iha tempu serka sanitaria hodi responde ba nesesidade uma laran.

Enkuantu, Governu mos laiha kapasidade atu halo gestaun diak ba prevensaun Covid19 iha Timor- Leste tanba kazu Pozitivu Aumenta kada loron tanba governu la seriedade hodi aplika serka sanitaria. Maibé portu entrada hanesan Aeroportu no portu kontinua loke ba ema estranjeiru hodi kotinua tama iha territória timor-leste signifika governu halo deskriminasaun ba ninia povu rasik maibe lahanoin ninia povu dadaun ne’e sofre hela ba ninia vida necesidade lor-loron nian.

“Negosiante sira lakon rendimentu kauza husi produtu lokál sira komesa estraga no dodok, tambá la bele asesu ba merkadu. Enkuantu ho situasaun ida ne'e mós, halo traballadór sira mós la servisu iha tempu EE, tambá kauza ajensia privadu sira taka no traballadór lakon direitu asesu ba serbisu hodi sustenta sira nia familia uma laran,” Reafirma nia.

Ho nune’e, Governu Timor-Leste presiza fó liberdade ba sidadaun sira bele halo movimentu, maibé tenki tuir protokolu OMS no Ministériu Saúde nian, tanbá durante implementasaun serka sanitária no konfinamentu obrigatóriu, halo ami estudante inklui mos traballadór no vendedores sira saí vítima, tambá atividade diária paradu.

‘Traballadór no vendedores sira la bele hala'o sira nia atividade hanesan bainbain, hodi sustenta ba sira nia familia, tanbá ne'e, ami husu ba Governu atu extende tan serka sanitaria tenke kria mós kondisaun ba ami servisu na'in sira, ba komunidade sira ne'ebé mak moris ho vida traballadór no vendedores,” Nia Informa. (BT)