DILI-Ministeriu Infrastrutura liu husi Diresaun Nasional Transporte Terrestres (DNTT) fo sairegulamentu foun ba tarifa tranporte publiku mikrolet iha Dili laran hahu husi diresaun 01 to’o 10 katak pasajeiru sira estudante selu $0,10 (centavos sanulu), no ba pasajeiru normal ka baibain $0,25 (quarter/centavos ruanulu resin lima).

Diretor DNTT Silvestre de Oliveira, L.Ed ba Business Timor, Sesta (29/06), iha ninia knar fatin Balide Dili hatete tarifa ne’e bazeia ba lei sistema transporte publiku governu nian no 2 /2003 de 10 Marsu, artigo 2 no 1. Konaba tarifa transporte ne’ebe fo sai oreintasaun konstituisional ba alinea artigo 116 ba konstituisional da republika.

Tuir Diploma ministerial no.2/MTCOP/2003 de Outubru de 2003 konaba lei bases transporte rodaviarias no respeita fundamental.Director hateten agora dadaun bazea ona lei governu nian husu kondotor sira atu halao regra tuir tarifa ne’ebe husi DNTT termina.Diretor hateten tuir despaisu husi MI fo mai iha DNTT katak atu informa ba media atu publika ba maluk sira atu nune’e bele implementa hodi muda tarifa transporte publiku ne’ebe durante sei uza baze ilegal.

DNTT seidauk iha planu konaba kareta ba estudante, maibe wainhira husi eskola ruma mak halo pedidu mai katak sira hakarak atu husu lisensa konaba bis eskola nian entaun sira fo.Konaba Transporte publiku semaka hakarak halo pedidu mai,husi DNTT simu ,maibe kona ba transporte privadu sira sei la simu.Konaba tarifa transporte uluk husi DNTT fo sai ona dehan estudante sira selu $0,10 no pasajeirus normal $0,20.

“Maibe ba tinan ida ne’e husu ba ema hotu nia konsiensia katak estudante mak $0,10, pasajeirus normal $0,20 ou sa’e liu mak $0,25”Informa Director Entertantu Nelson da Costa Xefi Tarifa Transporte Publiku DNTT hateten estudante sira tun kondutor sira husu no haruka selu $0,25 karik, husu estudante atu hato’o problema refere ba Polisia Nasional Timor Leste (PNTL) atu nune’e sira bele fo seguransa no kontrola ba transporte publiku sira.

Husu mos ba estudante sira atu sa’e mikrolet tenki lori ho surat tahan kopia tarifa transporte nian ne’ebe fo husi DNTT.Se kondotor sira la fiar nafatin hato’o problema refere ba parte siguransa. Se lakohi hato’o ba parte siguransa diak liu troka kedan osan-rahun, atu nune’e tun husi mikrolet fo deit centavos 10.“Se lae imi estudante fo $0,25 ba konditor sira labolta,tanba ho rezaun dehan osan rahun laiha,” Nelson hatete.Husi DNTT rona halerik husi parte rua hanesan pasajeiru no kondotor sira nia aspirasaun hato’o ba iha governu liu husi MI hodi fo ona desizaun katak tenki selu tarifa transporte tuir regra ne’ebe governu determina.(R-4)