Iha semana ida liuba ekonomista timoroan Reitor Universidade da Paz Dr. Lucas da Costa fó ninia hanoin kona-ba era globalizasaun ne’ebe ohin loron mundu eziste. Nia koalia kona-ba lala’ok investimentu iha ita nia laran ne’ebé estranjeiru sira tama mai la’os ajuda povu sira maibé mai buka hadau moris ho povu liu husi negosiu roda-tolu.
Comments (Governu liu husi sekretaria estadu ba apoiu no promosaun setór privadu fó ona anin fresku ba setór provadu sira katak iha orsamentu jeral estadu tinan 2014 nian aloka ona osan ho montante tokon/millaun $10 ne’ebé sei injeta ba Banco Nacional do Comerçio de Timor Leste (BNCTL) hodi bele jere fo apoiu ba setór privadu nasional sira liu-liu empreza ki’ik no mediu sira bele hetan emprestimu ka kreditu.
Comments (
Iha semana liuba akontese foos mamuk iha fatin hotu-hotu tantu kios ka loja no mos iha dalan ninin. Ninia impaktu mak vendedor sira ne’ebé iha rezerva foos hasa’e nia folin kuaze to’o porsentu tolunulu. Maski folin karun nune’e, konsumidor sira liu-liu iha kapital Dili dezaraska sosa. Ne’e tanba timoroan toman ona konsumu deit foos nu’udar aihan prinsipal loro-loron nian. Alende ita dependensia ba foos ita mos toman karak liu foos husi li’ur ka foos importadu husi Vietnam ka Thailandia. Maski produsaun foos uitoan iha rai laran mos iha, ita laiha interese ba foos produtu lokal.
Nu’udar nasaun ne’ebé foin ukun an, ita nia rain no povu hasoru dezafiu oinsa hamoris dezenvolvimentu ekonomia ne’ebé tenke ho politika ne’ebé adekuadu. Bainhira ita laiha politika ida di’ak husi inisiu, ba oin ita sei hasoru dezafiu no obstakulu ne’ebé boot ba beibeik. Kada tinan governu aloka orsamentu ne’ebé natoon ho kuantidade osan ne’ebé natooon mos atu dezenvolve nasaun. Ninia objetivu atu bele hasa’e nivel moris di’ak povu nian iha parte ida, maibe iha parte seluk laiha esforsu atu hasa’e kbiit ema nian hodi hamoris produtividade ekonomika rai laran.
Iha loron Sesta semana foin liuba membru deputadu sira iha Parlamentu Nasionál aprova final proposta Orsamentu Jerál Estádu (OJE) 2014 nian hosi governu ho montante billaun $1.5. Orsamentu jeral estadu ne’e aprova no pasa tuir duni proposta governu nian. Atu hanesan tinan uluk, proposta governu nian pasa ho “susesu” tanba deputadu sira hotu fo votu unaminidade. Katak hotu-hotu fo votu afavor ba proposta orsamentu ne’e.
Rua Bidau, Lecidere, Dili, Timor-Leste
Editorial:[email protected]
Business:[email protected]
Nú Tel: (+670) 7738 0011 II 7723 3549
